పశ్చిమగోదావరి జిల్లా నరసాపురం మండలం రుస్తుంబాదుకు చెందిన పోలిశెట్టి బాలు ఫెర్రీ రేవులో వింత అనుభవాన్ని ఎదుర్కొన్నారు. నరసాపురం నుంచి సఖినేటిపల్లికి తన స్కూటీపై పెంపుడు కుక్కను తీసుకెళ్తుండగా, కుక్కకు కూడా టికెట్ తీసుకోవాలని నిర్వాహకులు డబ్బులు వసూలు చేయడంతో ఆశ్చర్యపోయారు. అయితే ప్రయాణికుల భద్రత విషయంలో మాత్రం నిర్లక్ష్యం కనిపిస్తోందని ఆరోపించారు.

ఒడిశా నుంచి ఉత్తరప్రదేశ్‌కు అక్రమంగా తరలిస్తున్న రూ.12.50 లక్షల విలువైన 1 కేజీ లిక్విడ్ గంజాయిని మోతుగూడెం పోలీసులు స్వాధీనం చేసుకున్నారు. ఈ ఘటనలో ముగ్గురు నిందితులను అరెస్ట్ చేశారు.ఒడిశా రాష్ట్రం మల్కన్‌గిరి జిల్లా టెలరాయ్ గ్రామం నుంచి ఉత్తరప్రదేశ్‌కు లిక్విడ్ గంజాయిని తరలిస్తున్నట్లు పక్కా సమాచారం అందడంతో మోతుగూడెం ఎస్‌ఐ అబ్దుల్ నాసిర్ హుస్సేన్ తన సిబ్బందితో కలిసి దాడి నిర్వహించి పట్టుకున్నారు.

వరంగల్ సీకేఎం ఆసుపత్రిలో లయన్స్ క్లబ్ ఆఫ్ వరంగల్ పోతన ఆధ్వర్యంలో రోగుల సహాయకులకు అన్నదానం నిర్వహించారు. ఆకలితో ఉన్నవారికి భోజనం పెట్టడమే గొప్ప సేవ అని రెడ్ క్రాస్ జిల్లా చైర్మన్ బేతి అశోక్ బాబు పేర్కొన్నారు. కార్యక్రమానికి సహకరించిన దాత మెంతుల శశిధర్‌కు నిర్వాహకులు కృతజ్ఞతలు తెలిపారు.

పెట్రోల్ ఉత్పత్తుల నాణ్యతపై దక్షిణాది రాష్ట్రాల్లో తీవ్ర ఆందోళన వ్యక్తమవుతోంది. పెట్రోల్‌లో ఇథనాల్ కలపడం సాధారణమే అయినప్పటికీ, నిర్ణీత పరిమితిని దాటి మితిమీరి కలపడం వల్ల వాహనాల ఇంజన్లు దెబ్బతినడమే కాకుండా మైలేజీ దారుణంగా పడిపోతోందనే ఆరోపణలు వెల్లువెత్తుతున్నాయి. ఈ అంశంపై ఇప్పుడు కర్ణాటక ప్రభుత్వం , కేంద్ర ప్రభుత్వ సంస్థల మధ్య తీవ్ర వివాదం చెలరేగింది.

ఎన్నికల ప్రచార సమయంలో తన విజయం కోసం అహర్నిశలు కష్టపడిన కార్యకర్తల సేవలను గుర్తిస్తూ కుక్కునూరు–1 ఎంపీటీసీగా విజయం సాధించిన కూటమి టీడీపీ అభ్యర్థి పిచ్చుక రాజు ఆదర్శంగా నిలిచారు. తన గెలుపు కోసం వర్షాన్ని సైతం లెక్కచేయకుండా ప్రచారంలో పాల్గొన్న వికలాంగ కార్యకర్త సయ్యద్ యాకూబ్ పాషాను సోమవారం తన నివాసంలో ఘనంగా సత్కరించారు.

నెల్లూరు జిల్లా రాపూరు మండలం రాపూరు బిట్‌ 1 ఎంపీటీసీ స్థానానికి వైఎస్సార్‌సీపీ అభ్యర్థిగా బరిలోకి దిగిన వేటూరి మురళీమోహన్ రెడ్డి ఘన విజయం సాధించారు. ఈ సందర్భంగా సోమవారం సంక్రాంతిపల్లిలోని పాపకన్ను గార్డెన్స్‌లో వైఎస్సార్‌సీపీ రాష్ట్ర ఎస్‌ఈసీ సభ్యులు పాపకన్ను మధుసూదన్ రెడ్డిని పార్టీ నాయకులు, కార్యకర్తలు పెద్ద సంఖ్యలో మర్యాదపూర్వకంగా కలిశారు.

కామారెడ్డి జిల్లా బాన్సువాడ మండలం బోర్లం గ్రామం ఎల్లమ్మ కాలనీలో డ్రైనేజీ సీసీ బెడ్ నిర్మాణ పనులను సర్పంచ్ మన్నే రమేష్ ప్రారంభించారు. కాంట్రాక్టర్ గంగాధర్ నాణ్యతా ప్రమాణాలతో పనులు చేయాలని సూచిస్తూ, పనులను తానే దగ్గరుండి పర్యవేక్షిస్తానన్నారు. మాజీ సర్పంచ్ శ్రీనివాస్ రెడ్డి, నాయకులు పాల్గొన్నారు.

తిరుపతికి చెందిన వీకేఆర్ఆర్ ఫ్యూయల్ స్టేషన్ గ్రూప్స్ యజమాని మనోజ్ కుమార్ సోమవారం టీటీడీకి రెండు నగదు లెక్కింపు యంత్రాలను విరాళంగా అందించారు.తిరుపతికి చెందిన వీకేఆర్ఆర్ ఫ్యూయల్ స్టేషన్ గ్రూప్స్ యజమాని మనోజ్ కుమార్ సోమవారం టీటీడీకి రెండు నగదు లెక్కింపు యంత్రాలను విరాళంగా అందించారు.

ప్రజా సమస్యల పరిష్కారంలో ముందుంటూ ప్రభుత్వానికి, ప్రజలకు మంచి పేరు తేవాలని భీమిలి ఎమ్మెల్యే గంటా శ్రీనివాసరావు అన్నారు. పరిషత్ ఎన్నికల్లో విజయం సాధించిన జెడ్పీటీసీలు, ఎంపీటీసీలు, ఎంపీపీ అభ్యర్థులు ఎంవీపీ కాలనీ క్యాంప్ కార్యాలయంలో ఆదివారం ఆయన్ను మర్యాద పూర్వకంగా కలిశారు. విజేతలతో పాటు కూటమి పార్టీల మద్దతుదారులు పెద్దఎత్తున రావడంతో కార్యాలయం జనసంద్రంగా మారింది.

హుస్నాబాద్ ప్రాంతంలో నిబంధనలకు విరుద్ధంగా గుట్టలు తవ్వి అక్రమంగా మట్టి తరలిస్తున్న వారిపై చర్యలు తీసుకోవాలని కోరుతూ బీఆర్ఎస్ నేతలు ఆర్డీఓ ఏడీఓ అరిఫాకు వినతిపత్రం ఇచ్చారు. గుట్టలు కనుమరుగై పర్యావరణం దెబ్బతింటోందని, అనుమతిలేని వారిపై కఠిన చట్టపరమైన చర్యలు చేపట్టాలని అయిలేని మల్లికార్జున రెడ్డి డిమాండ్ చేశారు.

హుస్నాబాద్ మీదుగా వెళ్లే జాతీయ రహదారిపై డివైడర్లు, హెచ్చరిక బోర్డులు లేకపోవడం వల్లనే వరుస ప్రమాదాలు జరుగుతున్నాయని బీఎస్పీ నేత పచ్చిమట్ల రవీందర్ గౌడ్ ఆరోపించారు. పందిళ్ల బ్రిడ్జి వద్ద ప్రమాదాల నివారణకు మంత్రి పొన్నం ప్రభాకర్, కేంద్ర మంత్రి బండి సంజయ్ చర్యలు తీసుకోవాలని, బీమా లేని వాహనాలపై కఠినంగా వ్యవహరించాలని డిమాండ్ చేశారు.

Tiruchanur: తిరుచానూరు శ్రీ పద్మావతి అమ్మవారి ఆలయానికి రూ.2.25 లక్షల విలువైన వెండి తట్టను విరాళంగా అందించిన టీటీడీ సీనియర్ శానిటరీ ఇన్‌స్పెక్టర్ ఎన్.టి. సుబ్బరాయుడు.